ದಾವಣಗೆರೆ: ನೊಂದ ಕಕ್ಷಿದಾರರಿಗೆ ನ್ಯಾಯ ಕೊಡಿಸುವ ವಕೀಲರೊಬ್ಬರು ವಂಚನೆಗೆ ಒಳಗಾಗಿ 2.03 ಲಕ್ಷ ರೂ. ಕಳೆದುಕೊಂಡಿರುವ ಘಟನೆ ನಡೆದಿದೆ. ಈ ಪ್ರಕರಣ ಪ್ರಜ್ಞಾವಂತರನ್ನೇ ನಾಚಿಸುವಂತಿದೆ.
ಹರಿಹರ ತಾಲೂಕಿನ ಗ್ರಾಮವೊಂದರ ವಕೀಲರೊಬ್ಬ ಹಣ ಕಳೆದುಕೊಂಡವರು. ಅಮೆಜಾನ್ ಕಂಪನಿಯ ಫ್ರಾಂಚೈಸಿ ನೀಡುವುದಾಗಿ 2.03 ಲಕ್ಷ ರೂ. ವಂಚಿಸಲಾಗಿದೆ. ನನ್ನ ಮೊಬೈಲ್ ಗೆ ಕರೆ ಮಾಡಿದ್ದ ಅಪರಿಚಿತರು ಅಮೆಜಾನ್ ಕಂಪನಿಯ ಫ್ರಾಂಚೈಸಿ ನೀಡುತ್ತೇವೆ.
ಕಂಪನಿಯಿಂದ ಇಬ್ಬರು ಡೆಲಿವರಿ ಬಾಯ್ ಹಾಗೂ ಕೊಠಡಿಯ ಬಾಡಿಗೆ ಮೊತ್ತ ನೀಡುತ್ತೇವೆ. ಕಂಪನಿ ಕಳಿಸಿದ ಸಾಮಗ್ರಿಗಳನ್ನು ಡೆಲಿವರಿ ಬಾಯ್ಸ್ ಮೂಲಕ ಗ್ರಾಹಕರಿಗೆ ತಲುಪಿಸಿದರೆ ಕಮಿಷನ್ ನೀಡುವುದಾಗಿ ನಂಬಿಸಿದ್ದರು.
ಆ ಬಳಿಕ ಫ್ರಾಂಚೈಸಿ ಶುಲ್ಕವಾಗಿ 2.03 ಲಕ್ಷ ರೂ. ಮೊತ್ತವನ್ನು ಆನ್ಲೈನ್ ಮೂಲಕ ವರ್ಗಾಯಿಸಿಕೊಂಡಿದ್ದಾರೆ’ ಎಂದು ಸಂತ್ರಸ್ತ ದೂರು ನೀಡಿದ್ದಾರೆ. ಸಿಇಎನ್ ಅಪರಾಧ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.
