ದಾವಣಗೆರೆ (DAVANAGERE DISTRICT)  :  ವಿವಿಧ ಜಿಲ್ಲೆಗಳಲ್ಲಿ ಹಲವು ಕಳವು ಪ್ರಕರಣಗಳಲ್ಲಿ ಭಾಗಿಯಾಗಿ ತಲೆ ಮರೆಸಿಕೊಂಡಿದ್ದ ಆರೋಪಿನ್ನು ಚನ್ನಗಿರಿ ಪೊಲೀಸರು ಬಂಧಿಸಿದ್ದು ಆರೋಪಿತನಿಂದ ಒಟ್ಟು ಮೌಲ್ಯ ರೂ 45,38,000/ ಸ್ವತ್ತು ವಶಪಡಿಸಿಕೊಂಡಿದ್ದಾರೆ ಎಂದು ಜಿಲ್ಲಾ ಪೊಲೀಸ್ ವರಿಷ್ಠಾಧಿಕಾರಿ ಉಮಾಪ್ರಶಾಂತ ತಿಳಿಸಿದರು.

ಚನ್ನಗಿರಿ ನಗರದ ವಡ್ನಾಳ ರಾಜಣ್ಣ ಬಡಾವಣೆಯ ಅಪ್ರೋಜ್ ಬಂಧಿತ ಆರೋಪಿ.

ಚನ್ನಗಿರಿ, ಹೊನ್ನಾಳಿ, ಹರಿಹರ, ಭದ್ರಾವತಿ, ಹೊಳಲ್ಕೆರೆ, ದಾವಣಗೆರೆ, ಹರಪನಹಳ್ಳಿ, ಹೊಸದುರ್ಗ  ಪೋಲೀಸ್ ಠಾಣಾ ಸರಹದ್ದುಗಳಲ್ಲಿ  ಆರೋಪಿಯ ಮೇಲೆ ಸುಮಾರು 30ಕ್ಕೂ ಹೆಚ್ಚು ಸ್ವತ್ತು ಕಳವು ಪ್ರಕರಣಗಳು ದಾಖಲಾಗಿದ್ದು, ಆರೋಪಿಯು  ಮೂರು ವರ್ಷಗಳಿಂದ ತಲೆಮರೆಸಿಕೊಂಡಿದ್ದ ಆರೋಪಿಯನ್ನು ನಮ್ಮ ಪೊಲೀಸರು ಬಂಧಿಸಿದ್ದಾರೆ ಎಂದು ಜಿಲ್ಲಾ ಪೊಲೀಸ್ ವರಿಷ್ಠಾಧಿಕಾರಿ ಉಮಾಪ್ರಶಾಂತ ಸುದ್ದಿಗೋಷ್ಠಿಯಲ್ಲಿ ವಿವರಿಸಿದರು.

Read also : DAVANAGERE NEWS : ಕ್ರೀಡಾಪಟುಗಳ ಹಾಸ್ಟೆಲಿಗೆ ದಿನೇಶ್ ಕೆ ಶೆಟ್ಟಿ ಭೇಟಿ

1)ಚನ್ನಗಿರಿ  ಪೊಲೀಸ್  ಣೆಯ 03 ಪ್ರಕರಣಗಳು, 2)ಸಂತೇಬೆನ್ನೂರು ಠಾಣೆಯ 01 ಪ್ರಕರಣ, 3)ತರೀಕೆರೆ ಠಾಣೆಯ 03 ಪ್ರಕರಣಗಳು, 4)ಲಕ್ಕವಳ್ಳಿ ಪೊಲೀಸ್  ಠಾಣೆಯ 04 ಪ್ರಕರಣಗಳು,  5) ಭದ್ರಾವತಿ ಪೇಪರ್ ಟೌನ್  ಪೊಲೀಸ್  ಠಾಣೆಯ 01 ಪ್ರಕರಣ, ಹಾಗೂ 6)ಅಜ್ಜಂಪುರ ಪೊಲೀಸ್  ಠಾಣೆಯ 01 ಪ್ರಕರಣ ಸೇರಿದಂತೆ ಒಟ್ಟು 13 ಪ್ರಕರಣಗಳನ್ನು ಪತ್ತೆ ಮಾಡಿಲಾಗಿದೆ ಎಂದರು.

ಆರೋಪಿತನ ಪ್ರೇಯಸಿಯಾದ  ಚನ್ನಗಿರಿಯ  ಭಾಗ್ಯ, ಆತನ  ಸ್ನೇಹಿತನಾದ ಅಜ್ಜಿಹಳ್ಳಿ ಗ್ರಾಮದ ಪ್ರವೀಣ ಎಂಬುವರ ಕಡೆಯಿಂದ ಅವರು ಮಾರಿದ ಬಂಗಾರದ ಅಂಗಡಿಗಳಿಂದ ಒಟ್ಟು ಸುಮಾರು 44,38,000/ರೂ ಮೌಲ್ಯದ 634 ಗ್ರಾಂ ಬಂಗಾರದ ಆಭರಣಗಳು ಹಾಗೂ  ಸುಮಾರು 40,000/ ರೂ ಮೌಲ್ಯದ 550 ಗ್ರಾಂ ಬೆಳ್ಳಿಯ ಆಭರಣಗಳು ಹಾಗೂ ಕೃತ್ಯವೆಸಗಲು ಬಳಸಿದ  ಸುಮಾರು 60,000/ರೂ ಮೌಲ್ಯದ ಕೆಎ-17 ಇವಿ-5083 ನೇ ಒಂದು ಬೈಕ್ ಹಾಗೂ ಎರಡು ಕಬ್ಬಿಣದ ರಾಡ್‍ಗಳನ್ನು ವಶಪಡಿಸಿಕೊಂಡಿದ್ದು, ವಶಪಡಿಸಿಕೊಂಡ ಮಾಲಿನ ಒಟ್ಟು ಮೌಲ್ಯ ರೂ 45,38,000/(ನಲವತ್ತೈದು ಲಕ್ಷದ ಮೂವತ್ತೆಂಟು ಸಾವಿರ ರೂಪಾಯಿಗಳು) ಆಗಿದೆ ಎಂದು ಮಾಹಿತಿ ನೀಡಿದರು.

ಇನ್ನೂ ಕೆಲವು ಪ್ರಕರಣಗಳಲ್ಲಿ ಆರೋಪಿತ ಮತ್ತು ಆತನ ಪ್ರೇಯಸಿ ಭಾಗ್ಯಳು ಸೇರಿಕೊಂಡು ಜಗಳೂರು ತಾಲ್ಲೂಕಿನಲ್ಲ್ಲಿ ಓರ್ವ ವ್ಯಕ್ತಿಗೆ ಕಳ್ಳತನದ ಮಾಲನ್ನು ಮಾರಾಟ ಮಾಡಿರುವ ಬಗ್ಗೆ ಮಾಹಿತಿ ನೀಡಿದ್ದು, ಆತನ ಕಡೆಯಿಂದ  ವಶಪಡಿಸಿಕೊಳ್ಳುವುದು ಬಾಕಿಯಿದೆ ಎಂದು ಹೇಳಿದರು.

ಸುದ್ದಿಗೋಷ್ಠಿಯಲ್ಲಿ ಸಿಪಿಐ ಲಿಂಗನಗೌಡ ನೆಗಳೂರು, ಪಿಎಸ್‍ಐ ಸೈಪುದ್ದೀನ್, ಶ್ರೀ ಗುರುಶಾಂತಯ್ಯ, ಶ್ರೀಮತಿ ರೂಪ್ಲಿಬಾಯಿ, ಶ್ರೀಶಶಿಧರ್, ಎ.ಎಸ್.ಐ ಹಾಗೂ ಡಿಸಿಆರ್‍ಬಿ ಸಿಬ್ಬಂದಿ ಮಜೀದ್, ಆಂಜನೇಯ, ರಾಘವೇಂದ್ರ, ರಮೇಶ್, ಬಾಲಾಜಿ, ರುದ್ರೇಶ್, ಸತೀಶ್, ಮಹೇಂದ್ರ, ಬಿರೇಶ್ವರ ಪುಟ್ಟಕ್ಕನವರ್, ರೇವಣಸಿದ್ದಪ್ಪ, ರಮೇಶ, ಚನ್ನಕೇಶವ, ಹಾಲಮ್ಮ ಹಾಗೂ ಜೀಪ್ ಚಾಲಕರಾದ ರೇವಣಸಿದ್ದಪ್ಪ, ರವಿ, ವಸಂತಕುಮಾರ, ಉಮೇಶ್, ಸಂತೋಷ , ದೊಡ್ಡೇಶಿ ಹಾಗೂ ಜಿಲ್ಲಾ ಪೋಲೀಸ್ ಕಛೇರಿಯ ತಾಂತ್ರಿಕ ಸಿಬ್ಬಂದಿಗಳಾದ ರಾಮಚಂದ್ರ ಜಾಧವ್, ರಾಘವೇಂದ್ರ, ಶಾಂತರಾಜ ರವರುನ್ನು ಈ ವೇಳೆ ಅಭಿನಂದಿಸಿದರು.