ಸಮತೋಲನ ಆಹಾರ, ವ್ಯಾಯಾಮ, ಸಮರ್ಪಕ ನಿದ್ರೆಯಿಂದ ಬಿಪಿ ಕಡಿಮೆ ಮಾಡಿಕೊಳ್ಳಬಹುದು: ಡಾ. ಮಾಲತೇಶ್ ಕೆ ಎಂ

ದಾವಣಗೆರೆ: ಅಧಿಕ ರಕ್ತದೊತ್ತಡವು ದೇಹದ ಅಪಧಮನಿಗಳ ಮೇಲೆ ಪರಿಣಾಮ ಬೀರುವ ಒಂದು ಸಾಮಾನ್ಯ ಸ್ಥಿತಿಯಾಗಿದೆ. ಇದನ್ನು ಅಧಿಕ ರಕ್ತದೊತ್ತಡ ಎಂದೂ ಕರೆಯುತ್ತಾರೆ. ನಿಮಗೆ ಅಧಿಕ ರಕ್ತದೊತ್ತಡ ಇದ್ದರೆ, ಅಪಧಮನಿಯ ಗೋಡೆಗಳ ವಿರುದ್ಧ ರಕ್ತದ ಒತ್ತಡವು ನಿರಂತರವಾಗಿ ತುಂಬಾ ಹೆಚ್ಚಾಗಿರುತ್ತದೆ. ರಕ್ತವನ್ನು ಪಂಪ್ ಮಾಡಲು ಹೃದಯವು ಹೆಚ್ಚು ಶ್ರಮಿಸಬೇಕಾಗುತ್ತದೆ ಎಂದು ಡಾ. ಮಾಲತೇಶ್‌ ಕೆ. ಎಂ ತಿಳಿಸಿದರು.

ಬಾಪೂಜಿ ಮಕ್ಕಳ ಬಾಪೂಜಿ ಮಕ್ಕಳ ಆರೋಗ್ಯ ಸಂಸ್ಥೆ ಮತ್ತು ಸಂಶೋಧನ ಕೇಂದ್ರದಲ್ಲಿ ವಿವೇಕ್ ಪೋಷಕರ  ಆರೋಗ್ಯ  ಕಾರ್ಯಾಗಾರದಡಿಯಲ್ಲಿ ನಡೆದ ಉಪಾನ್ಯಾಸದಲ್ಲಿ ಈ ವಿಷಯ ತಿಳಿಸಿದರು.

ರಕ್ತದೊತ್ತಡವನ್ನು ಎರಡು ಸಂಖ್ಯೆಗಳಿಂದ ಅಳೆಯಲಾಗುತ್ತದೆ: ಸಿಸ್ಟೊಲಿಕ್ (ಮೇಲಿನಸಂಖ್ಯೆ) ಮತ್ತು ಡಯಾಸ್ಟೊಲಿಕ್ 

1. ಸಿಸ್ಟೊಲಿಕ್ ಒತ್ತಡ (Systolic pressure): ಇದು ನಿಮ್ಮ ಹೃದಯ ಸಂಕುಚಿತಗೊಂಡಾಗ (ಬಡಿತವಾದಾಗ) ರಕ್ತನಾಳಗಳ ಮೇಲೆ ಉಂಟಾಗುವ ಗರಿಷ್ಠಒತ್ತಡವಾಗಿದೆ.
2. ಡಯಾಸ್ಟೊಲಿಕ್ ಒತ್ತಡ (Diastolic pressure): ಇದು ಪ್ರತಿ ಬಡಿತದ ನಡುವೆ ಹೃದಯವು ವಿಶ್ರಾಂತಿ ಪಡೆದಾಗ ಅಪಧಮನಿಗಳಲ್ಲಿನ ಒತ್ತಡವಾಗಿದೆ. 

ಇನ್ನು ಆರೋಗ್ಯದ ಮೇಲೆ ಪರಿಣಾಮ ಸಾಮಾನ್ಯ ರಕ್ತದೊತ್ತಡ: ಆರೋಗ್ಯಕರ ರಕ್ತದೊತ್ತಡ ಓದುವಿಕೆ ಸಾಮಾನ್ಯವಾಗಿ (120/80\) mmHg ಗಿಂತ ಕಡಿಮೆ ಇರುತ್ತದೆ.  ಅಧಿಕ ರಕ್ತದೊತ್ತಡ (Hypertension): ರಕ್ತದೊತ್ತಡವು ಸ್ಥಿರವಾಗಿ ಹೆಚ್ಚಾಗಿರುವ ಸ್ಥಿತಿಯಾಗಿದೆ, ಇದು ದೀರ್ಘಕಾಲದವರೆಗೆ ಅಧಿಕವಾಗಿದ್ದರೆ, ಹೃದಯ, ಮೂತ್ರಪಿಂಡ ಮತ್ತು ಮೆದುಳಿನ ಸಮಸ್ಯೆಗಳ ಅಪಾಯವನ್ನು ಹೆಚ್ಚಿಸಬಹುದು ಎಂದರು.  ಕಡಿಮೆ ರಕ್ತದೊತ್ತಡ (Hypotension): ರಕ್ತದೊತ್ತಡವು ತುಂಬಾ ಕಡಿಮೆಯಾಗಿದ್ದರೆ ಅದು ಸಹ ಆರೋಗ್ಯದ ಮೇಲೆ ಪರಿಣಾಮಬೀರಬಹುದು. ಇದಕ್ಕೆ ಸೂಕ್ತ ಪರಿಹಾರವೆಂದರೆ ಧೂಮಪಾನದಿಂದ ಸೇರಿದಂತೆ ಕೆಟ್ಟ ಆರೋಗ್ಯಕ್ಕೆ ಹಾನಿಯುಂಟು ಮಾಡುವ ದುಶ್ಚಟಗಳಿಂದ ದೂರವಿರಬೇಕು ಎಂದರು.

Read also : 19 ಅಂಗನವಾಡಿ ಕಾರ್ಯಕರ್ತೆ ಮತ್ತು 68 ಅಂಗನವಾಡಿ ಸಹಾಯಕಿಯರ ತಾತ್ಕಾಲಿಕ ಆಯ್ಕೆ ಪಟ್ಟಿ ಪ್ರಕಟ

ಅಲ್ಲದೇ, ವೈದ್ಯರ ಬಳಿ ಹೋಗಿ ತಪಾಸಣೆ ಮಾಡಿಸಿಕೊಂಡು ಸೂಕ್ತ ಔಷಧ ಪಡೆದುಕೊಂಡು ಸಲಹೆಗಳನ್ನು ಪಾಲಿಸಬೇಕು. ಮಧುಮೇಹಿಗಳಲ್ಲಿ ಸುಮಾರು 50% ರಕ್ತದೊತ್ತಡದಿಂದ  ಬಳಲುತ್ತಾರೆ. ವಿಷಪದಾರ್ಥಗಳಿಂದ ದೂರವಿರಬೇಕು, ಸಮತೋಲನ ಆಹಾರ ಪದ್ಧತಿ ಅಳವಡಿಸಿಕೊಳ್ಳಬೇಕು, ವ್ಯಾಯಾಮ ಮತ್ತು ಸಮರ್ಪಕ ನಿದ್ರೆ ಮಾಡಬೇಕೆಂದು ಡಾ ಮಾಲತೇಶ್ ಸಲಹೆ ನೀಡಿದರು.

2030ರ ವೇಳೆಗೆ  ಹೈಪರ್ಟೆಂಶನ್  40% ಹೆಚ್ಚಾಗುವ ನಿರೀಕ್ಷೆ ಇದ್ದು, ಭಾರತದಲ್ಲಿಯೇ ವಯಸ್ಕರಲ್ಲಿ 27.6% ಹಾಗೂ ಮಕ್ಕಳಲ್ಲಿ 2%–21.5% ಹೆಚ್ಚಾಗುವ ಸಾಧ್ಯತೆ ಇದೆ ಎಂದರು.

ರಕ್ತದೊತ್ತಡ ಬಗ್ಗೆ ಜಾಗೃತಿ ಮತ್ತು ಅರಿವು ಮೂಡಿಸು ಕಾರ್ಯಕ್ರಮಗಳನ್ನು ಮಾಡಬೇಕಿದೆ. ಈ ಮೂಲಕ ರಕ್ತದೊತ್ತಡ ಕಡಿಮೆ ಮಾಡಲು ಮುಂದಾಗಬೇಕೆಂದು ಡಾ. ಮಾಲತೇಶ್ ಕೆ ಎಂ ತಿಳಿಸಿದರು.

ಈ ವೇಳೆ ಮಕ್ಕಳ ಆಸ್ಪತ್ರೆಯ ನಿರ್ದೇಶಕರಾದ ಡಾ. ಜಿ. ಗುರುಪ್ರಸಾದ್,  ಆಸ್ಪತ್ರೆಯ ವ್ಯವಸ್ಥಾಪಕರಾದ ಶ್ರೀ ಗುಬ್ಬಿ, ಡಾ. ಕೌಜಲಗಿ, ಡಾ. ಮೃತ್ಯುಂಜಯ, ಡಾ. ರೇವಪ್ಪ, ಮಕ್ಕಳ ಪೋಷಕರು, ನರ್ಸಿಂಗ್ ವಿದ್ಯಾರ್ಥಿಗಳು ಹಾಗೂ ಆಸ್ಪತ್ರೆಯ ಸಿಬ್ಬಂದಿ ವರ್ಗ ಉಪಸ್ಥಿತರಿದ್ದರು.