ದಾವಣಗೆರೆ: ಸರ್ವೋಚ್ಛ ನ್ಯಾಯಾಲಯದ ನ್ಯಾಯಾಧೀಶರಗಳಾದ ಬಿ.ಆರ್ ಗವಾಯಿಯವರ ಮೇಲೆ ಶೂ ಎಸೆದಿರುವ ಘಟನೆ ಖಂಡಿಸಿ ದಾವಣಗೆರೆ ಜಿಲ್ಲಾ ವಕೀಲರ ಸಂಘದಿಂದ ಕೈಗೆ ಕೆಂಪು ಪಟ್ಟಿ ಧರಿಸಿ ಜಿಲ್ಲಾಡಳಿತದ ಮುಂದೆ ಪ್ರತಿಭಟನೆ ನಡೆಸಲಾಯಿತು.
ಸಂಘದ ವಕೀಲ ಸದಸ್ಯರು ನ್ಯಾಯಾಲಯದ ಎಲ್ಲಾ ಕಲಾಪಗಳಲ್ಲಿ ಕೆಂಪು ಪಟ್ಟಿ ಬಲಗೈಗೆ ಧರಿಸಿ ಪಾಲ್ಗೊಳ್ಳುವುದಾಗಿ ಜಿಲ್ಲಾಡಳಿತದಿಂದ ಸಂಬಂಧಪಟ್ಟ ಇಲಾಖೆಗೆ ರವಾನಿಸಲು ಮನವಿ ಪತ್ರ ಸಲ್ಲಿಸಿದರು.
ಇದೆ ವೇಳೆ ಮಾತನಾಡಿದ ಸಂಘದ ಉಪಾಧ್ಯಕ್ಷ ಕೆ ಜಿ ಕೆ ಸ್ವಾಮಿ, ಸುಪ್ರೀಂ ನ್ಯಾಯಮೂರ್ತಿಗಳ ಮೇಲೆ ವಕೀಲ ರಾಕೇಶ್ ಕಿಶೋರ್ ಎನ್ನುವ ವ್ಯಕ್ತಿ ಶೂ ಎಸೆದು ಅನುಚಿತ ವರ್ತನೆ ತೋರಿರುವುದು ಖಂಡನೀಯ. ಈಗಾಗಲೇ ಸಂಘದ ಸದಸ್ಯರ ತುರ್ತು ಸಭೆಯನ್ನು ಕರೆದು ಘಟನೆಯನ್ನು ವಿರೊಧಿಸಲಾಗಿದೆ ಎಂದು ಹೇಳಿದರು.
Read also : ರಾಜ್ಯಮಟ್ಟದ ಲಾನ್ ಟೆನ್ನಿಸ್ ದಸರಾ ಕ್ರೀಡಾಕೂಟ: ಈಶ್ವರಮ್ಮ ಶಾಲೆಯ ಎಚ್.ತರುಣ್ ಗೆ ಪ್ರಥಮ ಸ್ಥಾನ
ಈ ಸಂದರ್ಭದಲ್ಲಿ ಖಜಾಂಚಿ ಜೆ.ಈ ವನಜಾಕ್ಷಿ, ವಕೀಲರಾದ ಎಚ್.ಕೆ ಅಮೃತ್, ಗುಮ್ಮನೂರು ಮಲ್ಲಿಕಾರ್ಜುನ, ಕೆ. ಮಂಜುಳಾ, ಎಂ. ಚೌಡಪ್ಪ, ಕೆ. ಅಣ್ಣಪ್ಪ, ಎಚ್.ಕೆ. ಅಮೃತ, ವಕೀಲ ಕೆ.ಎ.ಓಬಳೇಶ ಸೇರಿದಂತೆ ಇತರರು ಹಾಜರಿದ್ದರು.
