ದಾವಣಗೆರೆ.ಆ.12: ಸರಣಿ ಜಾನುವಾರು ಕಳ್ಳತನ ಪ್ರಕರಣಗಳಲ್ಲಿ ಭಾಗಿಯಾಗಿದ್ದ 6 ಜನರನ್ನು ಬಂಧಿಸಿ ಜಾನುವಾರು, ಹಣ ಮತ್ತು ಕೃತ್ಯಕ್ಕೆ ಬಳಸಿದ 2 ವಾಹನಗಳನ್ನು ನ್ಯಾಮತಿ ಠಾಣಾ ಪೊಲೀಸರು ವಶಪಡಿಸಿಕೊಂಡಿದ್ದಾರೆ.
ನ್ಯಾಮತಿ ತಾಲ್ಲೂಕಿನ ಕೋಟೆಹಾಳ್ ವೆಂಕಟೇಶ್ವರ ನಗರ ಗ್ರಾಮದ ಮೋಹನ ಅಲಿಯಾಸ್ ಮನು (26), ಚೀಲೂರು ಕಡಕಟ್ಟೆಯ ನಾಗರಾಜ ನಾಯ್ಕ ಅಲಿಯಾಸ್ ನಾಗರಾಜ (28), ಚೀಲೂರು ಗ್ರಾಮದ ಮನ್ಸೂರ್ (35) ದೊಡ್ಡೇರಿ ಗ್ರಾಮದವರಾದ ಆಟೋ ಚಾಲಕ ಕುಶಾಲ್ (25), ಅಮಿತ್ (26) ಗಡೇಕಟ್ಟೆಯ ಪ್ರವೀಣ್(28) ಬಂಧಿತ ಆರೋಪಿಗಳು.
ನ್ಯಾಮತಿ ಪೊಲೀಸ್ ಠಾಣಾ ವ್ಯಾಪ್ತಿಯ ಚಿ.ಕಡದಕಟ್ಟೆ, ಮರಿಗೊಂಡನಹಳ್ಳಿ, ಮಾಚಿಗೊಂಡನಹಳ್ಳಿ, ಕೆಂಗಟ್ಟೆ, ದೊಡ್ಡೇರಿ, ಕಂಕನಹಳ್ಳಿ ತಾಂಡ ಗ್ರಾಮಗಳಲ್ಲಿ ಸರಣಿ ಜಾನುವಾರುಗಳ ಕಳ್ಳತನಗಳು ನಡೆದಿದ್ದು ಒಟ್ಟು 3 ಎತ್ತುಗಳು 8 ಹಸುಗಳು, 2 ಕರುಗಳು ಸೇರಿ ಒಟ್ಟು 13 ಜಾನುವಾರುಗಳು ಕಳ್ಳತವಾದ ಬಗ್ಗೆ ನ್ಯಾಮತಿ ಪೊಲೀಸ್ ಠಾಣೆಯಲ್ಲಿ ಪ್ರಕರಣಗಳು ದಾಖಲಾಗಿದ್ದವು.
ಜಿಲ್ಲಾ ಪೊಲೀಸ್ ಅಧೀಕ್ಷಕಿ ಉಮಾ ಪ್ರಶಾಂತ, ಹೆಚ್ಚುವರಿ ಪೊಲೀಸ್ ಅಧೀಕ್ಷಕ ಪರಮೇಶ್ವರ ಹೆಗಡೆ ಅವರ ಮಾರ್ಗದರ್ಶನದಲ್ಲಿ ಚನ್ನಗಿರಿ ಉಪವಿಭಾಗದ ಸಹಾಯಕ ಪೊಲೀಸ್ ಅಧೀಕ್ಷಕರ ಸ್ಯಾಮ್ ವರ್ಗೀಸ್, ಉಸ್ತುವಾರಿಯಲ್ಲಿ ಪ್ರಕರಣಗಳ ಪತ್ತೆ ಕಾರ್ಯಕ್ಕೆ ನ್ಯಾಮತಿ ಪೊಲೀಸ್ ಠಾಣೆಯ ನಿರೀಕ್ಷಕ ರವಿ ಎನ್.ಎಸ್ ನೇತೃತ್ವದಲ್ಲಿ ಅಧಿಕಾರಿ ಸಿಬ್ಬಂದಿಗಳ ತಂಡ ಆರೋಪಿಗಳನ್ನು ಬಂಧಿಸುವಲ್ಲಿ ಯಶಸ್ವಿಯಾಗಿದೆ.
ಎರಡು ತಂಡ ರಚನೆ ಮಾಡಿಕೊಂಡು ಅಶೋಕ ಲೈಲ್ಯಾಂಡ್ ವಾಹನಗಳಲ್ಲಿ ಹೋಗಿ ಜಾನುವಾರುಗಳನ್ನು ಕಳ್ಳತನ ಮಾಡಿ ಅವುಗಳನ್ನು ಶಿವಮೊಗ್ಗ ನಗರದ ಮುಕ್ತಿಯಾರ್ ಎಂಬಾತನಿಗೆ ಮಾರಾಟ ಮಾಡಿತ್ತಿದ್ದುದಾಗಿ ವಿಚಾರಣೆ ವೇಳೆ ಬಂಧಿತರು ಒಪ್ಪಿಕೊಂಡಿದ್ದಾರೆ. ಜಾನುವಾರು ಖರೀದಿ ಮಾಡುತ್ತಿದ್ದ ಶಿವಮೊಗ್ಗದ ಮುಕ್ತಿಯಾರ್ ತಲೆ ಮರೆಸಿಕೊಂಡಿದ್ದು. ಆತನ ಬಂಧನಕ್ಕೆ ಇಲಾಖೆ ಕಾರ್ಯಾಚರಣೆ ಕೈಗೊಂಡಿದೆ.
ಆರೋಪಿತರುಗಳಿAದ ನ್ಯಾಮತಿ ಪೊಲೀಸ್ ಠಾಣಾ ವ್ಯಾಪ್ತಿಯಲ್ಲಿನ ಚಿ.ಕಡದಕಟ್ಟೆ, ಮರಿಗೊಂಡನಹಳ್ಳಿ, ಮಾಚಿಗೊಂಡನಹಳ್ಳಿ, ಕೆಂಗಟ್ಟೆ, ದೊಡ್ಡೇರಿ, ಕಂಕನಹಳ್ಳಿ ತಾಂಡ ಗ್ರಾಮದಲ್ಲಿನ ಒಟ್ಟು 06 ಜಾನುವಾರು ಕಳ್ಳತನ ಪ್ರಕರಣಗಳನ್ನು ಪತ್ತೆ ಮಾಡಿ ಒಟ್ಟು 1,20,000/- ರೂ ನಗದು ಮತ್ತು ಕೃತ್ಯಕ್ಕೆ ಬಳಸಿದ 2 ಅಶೋಕ ಲೈಲ್ಯಾಂಡ್ ಗೂಡ್ಸ್ ವಾಹನಗಳು ಮತ್ತು ಒಂದು ದ್ವಿಚಕ್ರ ವಾಹನವನ್ನು ಅಮಾನತ್ತುಪಡಿಸಿಕೊಳ್ಳಲಾಗಿದೆ.
Read also : ದಾವಣಗೆರೆ|ಆ.13 ರಂದು ವಿವಿಧಡೆ ವಿದ್ಯುತ್ ವ್ಯತ್ಯಯ
ಕಳ್ಳತನ ಪ್ರಕರಣಗಳಲ್ಲಿನ ಆರೋಪಿತರನ್ನು ಪತ್ತೆ ಹಚ್ಚುವಲ್ಲಿ ಯಶಸ್ವಿಯಾದ ಪಿಎಸ್ಐ ಹೊಳಬಸಪ್ಪ ಹೋಳಿ ಮತ್ತು ಸಿಬ್ಬಂದಿಗಳಾದ ಮಲ್ಲೇಶಪ್ಪ, ಮಂಜಪ್ಪ ಕೆ, ವಿಕ್ರಂ, ಶಿವರಾಜ್, ಮಹೇಶನಾಯ್ಕ, ಆನಂದ, ಸುನೀಲ್ ಕುಮಾರ್, ದೇವರಾಜ್ ಡಿ,ಎನ್, ಬಸವರಾಜ್, ಯಶವಂತಚಾರಿ, ಪ್ರವೀಣ್, ಪ್ರಶಾಂತ್, ಹೇಮರಾಜ್, ರಾಮಪ್ಪ, ಚನ್ನೇಶ್ ಅವರನ್ನು ಎಸ್ಪಿ ಉಮಾ ಪ್ರಶಾಂತ್ ಶ್ಲಾಘಿಸಿದ್ದಾರೆ.